O 19 de marzo (día do Pai) xa está aquí, e por elo, decidimos aplicar un desconto dun 15% de produtos seleccionados, entre o día 11 e o propio día 19. Sorpréndeo e comparte con el ese tempo en confianza que nunca sobra.

A selección inclúe unha gran variedade, para que escollas a que máis poida apetecer ao teu pai no seu día: viño tinto, viño branco, tostado, licor… A continuación contámosche as principais características de cada un deles para que atopes o ideal para el:

Viños brancos: Colección 68 Barrica e Toubes

Se sodes máis de brancos, presentámosvos dúas opcións ideais:

O Colección 68 Barrica ten un aroma intenso, no que se conxugan notas de froita madura cun fondo de carballo moi fino. Grazas á súa potencia en boca, harmoniza moi ben con carnes e peixes salseados. Outra boa opción é degustalo con foie, onde descubrirás a súa ampla gama de matices. Aquí podes probalo.

Pola súa banda, o viño branco Toubes presenta gran riqueza en boca,

sendo sedoso e de elevada persistencia. Con uva treixadura, albariño e loureira, é moi recomendable en peixes, arroces e carnes brancas.

Codos de Larouco Mencía: un tinto gran acompañante de guisos e carnes de caza

O viño tinto Codos de Larouco Mencía é moi potente en nariz, con harmonía de froitas maduras, toques de menta e notas de romero e mel. Perfecto para guisos, carnes de caza, embutidos curados, cocidos e pratos tradicionais. Aquí o tes!

Tostado de Costeira: naturalmente doce

O Tostado de Costeira ten un aroma intenso a froita pasificada e meles, con delicadas notas de pastelería. Despois de ser vendimado cunha gran delicadeza, o mosto fermenta lentamente durante o inverno en pequenas barricas de carballo francés.

Se ao teu pai lle gustan os aperitivos e sobremesas, vai de marabilla con froitos secos e tamén como copa de sobremesa (con ou sen postres).

Licor café Lua: harmonía perfecta entre oruxo de Galicia e café de Xamaica.

Coma licor, recomendamos nesta selección o licor café Lua Xamaica Blue Mountain, elaborado cun dos mellores cafés do mundo e cuxo sabor intenso e envolvente encaixa á perfección con calquera doce. Sodes de longas conversas? Entón non dubides máis: pídeo online.

Como ves, podes escoller entre unha grande variedade e aproveitar o 15% de desconto entre o 11 e o 19 de marzo. Ti decides cal podería facerlle máis ilusión, celebra o día do Pai como se merece!

pazo toubes

Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información. ACEPTAR

Aviso de cookies
logo