O martes 14 de maio celebrouse un acto institucional no viñedo de Riopóo, co que se inaugurou de xeito oficial o salón de eventos e a rehabilitación da adega de Pazo de Toubes, e á que acudiron numerosas personalidades.

Viña Costeira realizou o martes 14 de maio a inauguración do salón de eventos e rehabilitación da adega do Pazo de Toubes, mediante un gran acto institucional no viñedo de Riobóo, onde está ubicado o Pazo de Toubes.

Ao acto institucional acudiron diversas personalidades da política galega, así coma referentes da vida social de Galicia. Entre elas destacaba a presencia do Presidente da Xunta de Galicia, Alberto Núñez Feijóo, que destacou “o esforzo da cooperativa na innovación para desenvolver productos de autor e conservar con respecto e mesura o patrimonio histórico de Galicia creando infraestruturas coma o Pazo de Toubes”.

Compromiso da adega co futuro da comarca

Neste evento tomou a palabra o Conselleiro Delegado de Viña Costeira, Andrés Rodríguez Gómez, que agradeceu “o traballo de tódolos viticultores que levaron a Viña Costeira a ter unha marabillosa historia de 50 anos, chegando ao punto de poder afrontar novos retos como a construcción do salónd e eventos e rehabilitación da adega de Pazo de Toubes, nun entorno privilexiado que garante o compromiso da adega co futuro da comarca.

Viña Costeira inaugura estas novas instalacións para continuar sendo un referente en innovación no sector vitivinícola, con viños amplamente recoñecidos pola súa calidade e coidada elaboración. Grazas á súa oferta enoturística, hoxe en día recibe máis de 10.000 visitas ao ano, dando a coñecer a zona do Ribeiro, un contorno de grande valor paisaxístico e enolóxico que axuda a promocionar Galicia coma destino turístico e xenera un gran valor económico na zona.

Adega Viña Costeira, con adegas propias na D.O. Ribeiro e a D.O. Valdeorras, reafirma a súa imaxe coma grupo adegueiro galego, apostando pola expansión dos seus viños a nivel nacional e internacional, e posicionándose coma un referente de viño galego de calidade.

Primeiro evento público en conmemoración co Día das Letras Galegas

Ademais, o Pazo de Toubes acollerá un gran evento que servirá de homenaxe ao Día das Letras Galegas, o sábado 18 de maio. Música en directo, viño, queixos e moitas outras sorpresas servirán de apertura ao público deste espazo. Máis información e entradas aquí

toubes

Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información. ACEPTAR

Aviso de cookies
logo