A XIX edición da feira barquense contará coa participación de 17 adegas da D.O. Valdeorras o 16 e 17 de Xullo.

A Feira do Viño da D.O. Valdeorras entra na súa decimonovena edición a fin de semana do 16 e 17 de Xullo  coa primeira participación de Viña Costeira como integrante desta Denominación de Orixe. Nesta ocasión a nosa adega presentarase co Viña Costeira Mencía elaborado en Valdeorras, estreando desta maneira presenza nesta feira , que comezará o vindeiro sábado 16 de Xullo ás 12:30 horas da mañá , sendo o pregoeiro este ano o mítico ex-ciclista Álvaro Pino.

Os asistentes poderán visitar o recinto, situado na praza barquense de Viloira, de 12:30 a 14:30 e de 19:00 a 23:00 nas dúas xornadas de duración do evento. Ademais da propia feira, desenvolveranse unha serie de actividades paralelas que van dende a realización dunha cata profesional e distintas opcións gastronómicas, ata a cata popular. Todo dinamizado polas actuacións musicais das charangas Fanfarria Taquicardia e BB+, e as bandas Los Correctos , Pándega e Gin Toni´s entre outros.

¡Vémonos!

Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información. ACEPTAR

Aviso de cookies
logo